الاء ابو محرم
“الاء ابو محرم، ١٦سنة ، فلسطينية ، امها أصلها من بيت لحم وعاشت في بيت لحم لحد ، ٢٠١٤ اجت زيارة على غزة مع عيلتها بعدها صارت حرب ال 2014، و بعد ما خلصت اتمنعوا يرجعوا لبيت لحم لانه الاحتلال اعتبرهم إرهابيين لمجرد دخولهم غزة.”
“عاشوا بغزة وكبرت آلاء وكان كل اهتمامها دراستها وحلمها تحصل على معدل عالي وتفرح امها وتصير دكتورة . كانت مثال للبنت المؤدبة الخلوقة الذكية المتفوقة الطموحة، دايماً ضحكتها مرسومة على وجهها ، كانت محبوبة من الكل وبتساعد الكل وبتحبهم.”
” كانت من اقرب الناس الي واغلب وقتي اقضيه معها ، وتشاركني طريق المدرسة نرُوح و نروّح مع بعض تشاركني بكل اشي حتى اكلها كانت تخليلي حصتي”.
“للاسف، صارت الحرب وما رضيوا يطلعوا للجنوب بحكم انه ما بعرفوا حد هناك ، وبقيوا ببيتهم محتسبين أجر الرباط والخوف والجوع وصابرين . ضليت على تواصل معها لحد قبل استشهادها بيوم وبعدها فقدت التواصل وعرفت بعد ٢٠ يوم خبر استشهادها بالصدفة”.
“استهدفوا بيتهم ليلة 4 ديسمبر ب 3 صواريخ قتلهم فيها الاحتلال هي وامها خالتو عبير الحنونة اطيب قلب وابوها واخواتها التوأم آيات وجنات ١٤ سنة، علاء ١٠ سنين وبراء ٩ سنين، وللاسف ما زالوا تحت الأنقاض.