ملك
“ملك مش مجرد رقم، لازم نضل نحكي عنها، ملك كانت طالبة ثانوية عامة ” توجيهي” زيها زي اي طالب وطالبة عندها طموح وبدها تحققوا”.
“كان حلم ملك تكون اكبر دكتورة جراحة في فلسطين، كان نفسها تدرس بالجامعة الاسلامية ودائمًا تحكيلي: ” انا واياكي حندرس مع بعض”، كنت ارد عليها: ” يا رب يا ملك تكوني معي للجامعة وبعد الجامعة “.
“ملك أصيبت في تاريخ 16 اكتوبر بالقصف الاسرائيلي وضلت بالعناية المركزة لحد ما استشهدت في تاريخ 2 نوفمبر.”
“ملك كانت محبوبة جدا وخبر استشهادها كان صعب ع الكل، وبنات المدرسة كانوا يبعثوا ذكريات ومواقف حلوة مع ملك. لازم نضل نحكي عن شهدائنا ويا رب نلاقي مين يحكي عنا بالخير في غيابنا”.
رسالة وصلتنا من صديقتها هيا اشرف.