انس المقادمة

“انس المقادمة خريج دبلوم برمجيات وقواعد بيانات ،عريس جديد، تزوج بتاريخ 18 أغسطس واستشهد بتاريخ 24 اكتوبر.”
” انس شب بختلف فعليا عن كل الشباب ، شخص هادي وواضح، تعرفت عليه قبل 14 سنة وكان بالنسبة الي اكثر من اخ، كتير وقفنا مع بعض وكتير ساندني .
” كان بحب كل شي يكون مختلف، تعب كتير بحياته لحتى يوصل لمكان يكون معروف اسمه، كان بحب الخير كتير، بعد ما استشهد عرفت من واحد أنه كان بيساعد اكتر من عيلة و كان خيره على اهله اكتر من نفسه.”
“كان آخر كلمات لانس بآخر مشوار النا قبل ما اسافر ” سافر يا اخوي وروح شوف حياتك كون نفسك الله يعلم يمكن يكون هذا اخر لقاء بينا، انا و انس كنا روحين راح نص الروح وضل النص التاني بوجع الفراق.”

رسالة وصلت الى منصتنا من صديقه فهد اللوح الذي يظهر معه في الصور.